ଚିତ୍ରକୋଣ୍ଡା ବିଧାୟକ ଦେଖାଇଲେ ମାନବିକତା…
1 min readମାଲକାନଗିରି: (ସଖପ୍ର) “ମାନବ ସେବା ହିଁ ମାଧବ ସେବା ” ଏହି ଉକ୍ତିକୁ ପ୍ରତିପାଦିତ କରିଛନ୍ତି ଚିତ୍ରକୋଣ୍ଡା ବିଧାୟକ ଶ୍ରୀ ପୂର୍ଣ୍ଣ ଚନ୍ଦ୍ର ବାକା |ସେ ନିଜ ଘରୁ ବାଲିମେଳା ଅଭିମୁଖେ ନିଜର କାର୍ଯ୍ୟରେ ବାହାରିଥିଲେ |ଏହି ସମୟରେ ନାୟକଗୁଡ଼ା ନିକଟସ୍ଥ ମୁତେବାଡା ବ୍ରିଜ ପାଖରେ ୩ ଜଣ ପଡି ଗୁରୁତର ହୋଇଥିବାର ଦେଖିଲେ |
ସେଠାରୁ ତାଙ୍କୁ ନିଜ ଗାଡ଼ିରେ ଆଣି ମାଥିଲି ମେଡିକାଲକୁ ଚିକିତ୍ସା ପାଇଁ ଆଣିଲେ |ସେମାନଙ୍କ ମଧ୍ୟରୁ ଜଣଙ୍କର ଗୋଡ଼ ଭାଙ୍ଗିଯାଇଥିବାର ସୂଚନା ମିଳୁଛି |ତାଙ୍କର ଠିକ ଭାବେ ଚିକିତ୍ସା କରିବା ପାଇଁ ଡାକ୍ତରଙ୍କୁ ନିବେଦନ କରିଥିଲେ |ଏହି ଘଟଣା ପୂର୍ବରୁ ମଧ୍ୟ ଇଲେକ୍ସନ ସମୟରେ ସେ ଜଣେ ଦୁର୍ଘଟଣାଗସ୍ତ ବ୍ୟକ୍ତିଙ୍କୁ ନିଜ ଗାଡ଼ିରେ ଚିକିତ୍ସାଳୟ ନେଇ ଛାଡିଥିଲେ |ବିଧାୟକଙ୍କ ଏପରି କାର୍ଯ୍ୟକୁ ସେହି ଅଂଚଳ ଲୋକେ ପ୍ରଶଂସା କରିଛନ୍ତି |ରାଜନେତା ଙ୍କ ଏପରି ମାନବିକତା ଦେଖାଇବାକୁ ଜିଲ୍ଲାର ବୁଦ୍ଧିଜୀବୀମାନେ କହିଛନ୍ତି ଯେ ଏବେ ବି ମାନବିକତା ବଂଚିଛି |
ମାଲକାନଗିରିରୁ ପୂର୍ଣ୍ଣ ଚନ୍ଦ୍ର ତ୍ରିପାଠୀ
ସବୁବର୍ଗ ଖବର
