ଗୁରୁକୁଳ ଇଣ୍ଟରନେସନାଲ ପବ୍ଲିକ ସ୍କୁଲରେ ସରସ୍ବତୀ ପୂଜା ଅନୁଷ୍ଠିତ

ବ୍ରହ୍ମପୁର ୦୫/୦୨ (ସଖପ୍ର): ଗୁରୁକୁଳ ଇଣ୍ଟରନେସନାଲ ପବ୍ଲିକ ସ୍କୁଲରେ ମା ସରସ୍ବତୀଙ୍କ ପୂଜା ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ସଭାପତି ଶ୍ରୀଯୁକ୍ତ ପ୍ରଶାନ୍ତ ମହାପାତ୍ର ଓ ସମ୍ପାଦିକା ଶ୍ରୀମତୀ ଅନିତା କୁମାରୀ ପାଢୀ ପୂଜକର୍ତ୍ତା ଭାବେ ପୂଜା ସମ୍ପାଦନା କରିଥିଲେ। ଉକ୍ତ ପୂଜାରେ ସାର ସନ୍ତୋଷ ନନ୍ଦ ,ଶ୍ରୀଯୁକ୍ତ ଏ. କେ ସାହୁ ଓ ଅଧ୍ୟାକ୍ଷା ଶ୍ରୀମତୀ ମଧୁସ୍ମିତା ପରିଡା ହୋମ କରି ଆହୁତି ପ୍ରଦାନ କରିଥିଲେ। ବିଦ୍ୟାଳୟର ସମସ୍ତ କର୍ମଚାରୀ ଓ ବିଦ୍ୟାର୍ଥୀ ପୂଜାରେ ଯୋଗଦାନ କରି ମା ସରସ୍ବତୀଙ୍କ ଆଶୀର୍ବାଦ ଲାଭ କରିଥିଲେ। ପୂଜା ଶେଷରେ ମାଙ୍କୁ ଆଳତି ଓ ପୁଷ୍ପାଞ୍ଜଳି ପ୍ରଦାନ କରି ପ୍ରସାଦ ସେବନ କରିଥିଲେ। ଉକ୍ତ କାର୍ଯ୍ୟକ୍ରମଟିକୁ ପରିଚାଳନା କରିବାରେ ସମସ୍ତ କର୍ମଚାରୀ ସହଯୋଗ କରିଥିଲେ। ଗୁରୁକୁଳ ଇଣ୍ଟରନେସନାଲ ପବ୍ଲିକ ସ୍କୁଲରେ କୋଭିଡ ନିୟମ ମାନି ସରସ୍ବତୀ ପୂଜା ପାଳନ କରାଯାଇଥିଲା।

ବ୍ରହ୍ମପୁର ପ୍ରତୀନିଧି ନିବାସୀ ଗୌଡ