ବଡ଼ଭାଇର ଭୁଜାଲି ମାଡରେ ସାନ ଭାଇର ମୃତ୍ଯୁ
ବାଲେଶ୍ଵର,୧୫/୧୦–ବାଲେଶ୍ଵର ଜିଲ୍ଲା ଖଇରା ବ୍ଲକ ସିମୁଳିଆ ଥାନା ବରୋଦା ପଞ୍ଚାୟତ ବିଷ୍ଣୁପୁର ଗ୍ରାମର ବଡ଼ଭାଇର ଭୁଜାଲି ମାଡ଼ରେ ସାନ ଭାଇର ମୃତ୍ୟୁ ହୋଇଛି । ଘଟଣାରୁ ଯାହା ଜଣାଯାଇଛି କିଛି ଦିନଧରି ଦୁଇ ଭାଇଙ୍କ ମଧ୍ଯରେ ଜମିବାଡ଼ି ବିବାଦକୁ ନେଇ ଗଣ୍ଡଗୋଳ ଲାଗି ରହିଥିଲା । ଇତ୍ଯବସରେ ସାନଭାଇ ସୁରେଶ (ବାବୁ) ମାଝୀଙ୍କ ନାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃଘଟିଏ ଆସିଥିଲା । ଆଜି ସକାଳ ସାନ ଭାଇର ଆବାସ ଘର ଆସିଥିବା ନେଇ ଘର କରିବା ପାଇଁ ଜାଗାକୁ ନେଇ ଦୁଇ ଭାଇ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ ବଡ ଭାଇ କୈଳାସ ମାଝୀ( ବାବାଜି) ରାଗିଯାଇ ସାନ ଭାଇ ସୁରେଶ ମାଝୀ(ବାବୁ)କୁ ଭୁଜାଲିରେ ଆକ୍ରମଣ କରିଥିଲା । ଭୁଜାଲି ଆକ୍ରମଣରେ ରକ୍ତାକ୍ତ ଅବସ୍ଥାରେ ତଳେପଡି ଛଟପଟ ହେଉଥିବା ଦେଖି ଘଟଣା ସ୍ଥଳରୁ ଶ୍ରୀ ମାଝୀଙ୍କୁ ଉଦ୍ଧାର କରି ସଙ୍ଗେସଙ୍ଗେ ରକ୍ତ ଜୁଡୁବୁଡ଼ ଅବସ୍ଥାରେ ଭଦ୍ରକ ମେଡ଼ିକାଲକୁ ନେଇଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ସୁରେଶର ମୃତ୍ୟୁ ଘଟିଛି । ଖବରପାଇ ସିମୁଳିଆ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରିପୋର୍ଟ –ବାଲେଶ୍ଵରରୁ ନରେନ୍ଦ୍ର ପ୍ରସାଦ ଵେହେରା
ସବୁବର୍ଗ ଖବର
