କୋଟପାଡ଼ ବ୍ଲକରେ ସି.ଆର.ସି.ସି ନିଯୁକ୍ତିରେ ଅନିୟମିତତା ଅଭିଯୋଗ
କୋରାପୁଟଜିଲ୍ଲା:(ସଖପ୍ର) କୋଟପାଡ଼ ବ୍ଳକରେ ସି.ଆର.ସି.ସି ନିଯୁକ୍ତିରେ ଅନିୟମିତତା ହୋଇଥିବା ଅଭିଯୋଗ ହୋଇଛି।ଜିଲ୍ଲା ପ୍ରକଳ୍ପ ସଂଯୋଜକ, ସମଗ୍ର ଶିକ୍ଷା ଅଭିଯାନ, କୋରାପୁଟଙ୍କ ଚିଠି ନଂ-୧୮୨୯/୧୯, ତା ୧୨/୭/୨୦୧୯ ଅନୁସାରେ ନୂଆରେ ସି ଆର ସି ସି ନିଯୁକ୍ତି ସକାଶେ ପ୍ରକ୍ରିୟା ଆରମ୍ଭ କରିବା ପାଇଁ ନିର୍ଦ୍ଦେଶ ଦିଆ ଯାଇଥିଲା। ଉକ୍ତ ଚିଠିରେ ସି.ଆର.ସି.ସି ନିଯୁକ୍ତି ସକାଶେ ଥିବା ନିୟମ ଅନୁସାରେ ଜଣେ ୫ ବର୍ଷ ପୂର୍ବରୁ ସି.ଆର.ସି.ସି ରୂପେ କାର୍ଯ୍ୟ କରି ସାରିଥିବା ପରେ ଆଉ ଥରେ ଉକ୍ତ ପଦ ପାଇଁ ଆବେଦନ କରି ପାରିବେ ନାହିଁ। କୌଣସି ଅଭିଯୋଗ ହେବା ପରେ କାର୍ଯ୍ୟାନୁଷ୍ଠାନ ହୋଇଥିବା ଶିକ୍ଷକ ଆବେଦନ କରି ପାରିବେ ନାହିଁ। ଏହି ନିୟମାବଳୀକୁ ନମାନି ଯେଉଁ ଶିକ୍ଷକ ଆବେଦନ କରିବେ ସେମାନେ ଅଯୋଗ୍ୟ ବିବେଚିତ ହେବେ।ଏସବୁ ଯଥାଚିତ ଆବେଦନ ଗୁଡିକର ତଦନ୍ତ ନିଜେ ଗୋଷ୍ଠି ଶିକ୍ଷାଅଧିକାରୀ କରି ଜିଲ୍ଲା ପ୍ରକଳ୍ପ ସଂଯୋଜକଙ୍କ ନିକଟକୁ ପଠାଇବାର ଉକ୍ତ ନିର୍ଦେଶନାମାରେ ଉଲ୍ଲେଖ ଅଛି। କିନ୍ତୁ ମିଳିଥିବା ଖବର ଅନୁସାରେ କୋଟପାଡ଼ ବ୍ଲକ ସି.ଆର.ସି.ସି ନିଯୁକ୍ତି ପ୍ରକ୍ରିୟାରେ ବ୍ୟାପକ ଅନିୟମିତତା ହୋଇଛି।ଏହି ବ୍ଲକରେ ନିଯୁକ୍ତି ପାଇଥିବା ସି.ଆର.ସି.ସି ମାନଙ୍କ ଭିତରୁ ଜଣେ କୁଆଡେ ପୂର୍ବରୁ ଏହି ପଦରେ ରହି ସାରିଛନ୍ତି। ତଥା କୌଣସି କାରଣରୁ ସେ ସି.ଆର.ସି.ସି ପଦ ହରାଇ ଥିଲେ। ପୂର୍ବରୁ ଏହି ପଦରେ ଥିବା ସତ୍ତ୍ବେ ତାଙ୍କ ଆବେଦନକୁ ପୁନର୍ବାର ଉକ୍ତ ପଦ ପାଇଁ ଗୋଷ୍ଠି ଶିକ୍ଷାଅଧିକାରୀ କେମିତି ଅନୁମୋଦନ ପ୍ରଦାନ କଲେ, ତାହା ଶିକ୍ଷକ ମହଲରେ ଆଲୋଚନାର ବିଷୟ ପାଲଟିଛି। ପ୍ରକୃତପକ୍ଷେ ଗୋଷ୍ଠି ଶିକ୍ଷାଅଧିକାରୀ ସରକାରୀ ନିର୍ଦେଶନାମାର ଜାଣିଶୁଣି ଚଞ୍ଚକତା କରି ପଦବୀ ସକାଶେ ଯୋଗ୍ୟତା ନଥିବା ବ୍ୟକ୍ତି ବିଶେଷଙ୍କ ନାମ ଅନୁମୋଦନ କରିବା ନିଶ୍ଚିତ ଭାବେ ଆଇନକୁ ଆଖିଠାର ସଦୃଶ ମନେ ହେଉଛି। ଯାହାର ଉଚ୍ଚସ୍ତରୀୟ ତଦନ୍ତ ହେବାର ଆବଶ୍ୟକତା ରହିଛି ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି।
ସବୁବର୍ଗ ଖବର
