ଜାଲ ସାର୍ଟିଫିକେଟ ରାକେଟରେ ଶିକ୍ଷକ ଗିରଫ…
ମାଲକାନଗିରି :ମାଲକାନଗିରି ଜିଲ୍ଲାର ଲୋକେ ଭାରି ନିରୀହ |ଯେ କୌଣସି ଲୋକଙ୍କୁ ସହଜରେ ବିଶ୍ୱାସ କରିଦିଅନ୍ତି |ଜିଲ୍ଲାର ନିରୀହ ଆଦିବାସୀ ଓ ହରିଜନ ପିଲାମାନଙ୍କୁ ବିଭିନ୍ନ ଆଳରେ କିଛି ଟାଉଟର ଠକୁଛନ୍ତି |କେତେକ ଛାତ୍ର ଛାତ୍ରୀ ଚାକିରୀଟିଏ ପାଇବା ଆଶାରେ ଜାଲ ସାର୍ଟିଫିକେଟ କରୁଥିବା ଏକ ଠକ ହାବୁଡ଼ରେ ପଡିଯାଇଥିଲେ |ମାଲକାନଗିରି ଜିଲ୍ଲାର ଏମ ଭି -୮ ୮ ର ମାଧୁରୀ ବିଶ୍ୱାସ ଓ ଏମ ଭି -୨ ୨ ର ଗଣେଶ ସରକାର ବି ଏଡ଼ ସାର୍ଟିଫିକେଟ ପାଇଁ ଚେଡେଙ୍ଗା ପ୍ରାଥମିକ ବିଦ୍ୟାଳୟର ଶିକ୍ଷକ ଅରୁଣ କୁମାର ସେନଙ୍କୁ ଟଙ୍କା ଦେଇଥିଲେ |
ତାଙ୍କ ଠାରୁ ଯଥାକ୍ରମେ ୧.୫ ଲକ୍ଷ ଓ ୩. ୨ ଲକ୍ଷ ଟଙ୍କା ନେଇ ଶ୍ରୀ ସେନ ତାଙ୍କୁ ଜାଲ ସାର୍ଟିଫିକେଟ ଦେଇଥିଲେ ବୋଲି ସେ ଦୁହେଁ ମାଲକାନଗିରି ଥାନାରେ ଅଭିଯୋଗ କରିଛନ୍ତି |ଅଭିଯୋଗ ପାଇ ତଦନ୍ତ କରାଯାଇ ଶ୍ରୀ ସେନ କୁ ଧରାଯାଇଛି ଓ ଏଥିରେ ଅନ୍ୟ କେଉଁମନେ ଅଛନ୍ତି ତାହାର ତଦନ୍ତ କରାଯାଉଛି ବୋଲି ମାଲକାନଗିରି ଥାନା ଆଇ ଆଇ ସି ଶ୍ରୀ ରାମ ଚନ୍ଦ୍ର ନାଗ ଜଣାଇଛନ୍ତି |
ମାଲକାନଗିରିରୁ ପୂର୍ଣ୍ଣ ଚନ୍ଦ୍ର ତ୍ରିପାଠୀ
ସବୁବର୍ଗ ଖବର
