ଭୁଜାଲୀରେ ଆକ୍ରମଣ କରିଥିବା ଅଭିଯୁକ୍ତ ଗିରଫ୍
ତିହିଡି,21/11: (ସଖପ୍ର) ଭଦ୍ରକ ଜିଲ୍ଲା ତିହିଡି ଥାନାଧିନ ବୁଧୁପୁର ଗାଁ ରାସ୍ତାରେ ଦୁଇ ଯୁବକଙ୍କୁ ଭୁଜାଲୀରେ ଆକ୍ରମଣ କରିଥିବା ଅଭିଯୁକ୍ତକୁ ପୁଲିସ ଗିରଫ୍ କରିଛି । ଗିରଫ୍ ଅଭିଯୁକ୍ତ ମୁରଲୀ ସାହୁ ବୋଲି ସୂଚନା ମିଳିଛି । ଅଭିଯୁକ୍ତକୁ ଧରିବା ଲାଗି ୪ ଦିନ ହେଲା ପୁଲିସ ଜାଲ ବିଛାଇଥିଲା । ଏବଂ ଜିଲ୍ଲା ପୁଲିସର ନିର୍ଦ୍ଦେଶକ୍ରମେ ମଙ୍ଗଳବାର ସଂଧ୍ୟାରେ ଇଛାପୁର ଛକ ନିକଟରୁ ଭଦ୍ରକ ଗ୍ରାମାଞ୍ଚଳ ପୁଲିସ ମୁରଲୀକୁ ଗିରଫ୍ କରିବା ପରେ ତିହିଡି ପୁଲିସକୁ ହସ୍ତାନ୍ତର କରିଥିଲ । ବୁଧବାର ସକାଳେ ମୁରଲୀର ଡାକ୍ତରୀ ମାଇନା କରିବା ପରେ ତାକୁ କୋର୍ଟ ·ଲାଣ କରାଯାଇଛି । ପ୍ରକାଶ ଥାଉକି, ବୁଧୁପୁର ଗାଁର ଗତିକାନ୍ତ ଜେନା ଓରଫ୍ ପପୁ ଓ ଆରସା ଗାଁର ବାପି ପଣ୍ଡା ଅଭିଯୁକ୍ତ ମୁରଲୀ ସାହୁଙ୍କ ସହିତ ଜମିଜମା ସଂକ୍ରାନ୍ତୀୟ ବିବାଦ ଲାଗି ରହିଥିଲା । କିଛିଦିନ ତଳେ ଉଭୟ ପକ୍ଷ ମଧ୍ୟରେ ଆପୋଷ ସମାଧାନ ମଧ୍ୟ ହୋଇଥିଲା । ରବିବାର ଗତିକାନ୍ତ ଗାଁରୁ ନନ୍ଦପୁର ଅଭିମୁଖେ ଓ ଦେବୀ ପ୍ରସାଦ ତାଙ୍କ ଛୋଟ ପୁଅ ସହିତ ଭଦ୍ରକରୁ ଗାଁକୁ ଯାଉଥିବା ବେଳେ ବୁଧୁପୁର ରାସ୍ତାରେ ପରସ୍ପର ଦେଖା ହୋଇଥିଲେ । ରାସ୍ତା ପାଶ୍ୱର୍ରେ ବାଇକ୍ ଅଟକାଇ ପରସ୍ପର କଥା ହେଉଥିବା ବେଳେ ମୁରଲୀ ସାହୁ ସେମାନଙ୍କୁ ଅତର୍କିତ ଭାବେ ଭୁଜାଲୀରେ ଆକ୍ରମଣ କରିଥିଲା । ରକ୍ତ ଜୁଡୁବୁଡୁ ଅବସ୍ତାରେ ଗତିକାନ୍ତ ତଳେ ପଡି ଚିକ୍ରାର କରୁଥିବା ବେଳେ ଅଭିଯୁକ୍ତ ମୁରଲୀ ସାହୁ ତତ୍କ୍ଷଣାତ ଦେବୀପ୍ରସାଦକୁ ମଧ୍ୟ ଭୁଜାଲୀରେ ହାଣିଥିଲା । ଏପରିକି ଛୋଟି ପିଲାଟି ଉକ୍ତ ଆକ୍ରମଣରେ ଅଳ୍ପକେ ବର୍ତ୍ତୀ ଯାଇଥିବା ଜଣାଯାଇଛି । ଗତିକାନ୍ତ ଜେନା ଭାଇ ମୁକ୍ତିକାନ୍ତ ଜେନାଙ୍କ ଏତଲା କ୍ରମେ ଥାନାରେ ଏକ ମାମଲା ୪୮୮/୧୯, ଦଫା ୩୪୧, ୩୨୪, ୩୨୬, ୫୦୬ ଆଇପିସି ରୁଜୁ ହୋଇଛି
ସବୁବର୍ଗ ଖବର
