ସ୍ବାଭିମାନ ଅଞ୍ଚଳରେ ଟେଲିଫୋନ ସେବା ଆରମ୍ଭ,ଅଞ୍ଚଳବାସୀ ରାଜ୍ୟ ସରକାରଙ୍କୁ ଧନ୍ୟବାଦ ଦେଲେ
ମାଲକାନଗିରି: ଜିଲ୍ଲାର ମାଓଗଡ କୁହାଯାଉଥିବା ସ୍ବାଭିମାନ ଅଞ୍ଚଳବାସୀ ଦେଖିଲେ ନୂଆ ସକାଳ। ଆରମ୍ଭ ହେଲା ଟେଲିଫୋନ ଯୋଗାଯୋଗ ସେବା। ପୋଲିସର କଡା ସୁରକ୍ଷା ଯୋଗୁଁ ଦୀର୍ଘ ଦଶନ୍ଧି ପରେ ସ୍ବାଭିମାନ ଅଞ୍ଚଳର ଲୋକଙ୍କ ସ୍ବପ୍ନ ସାକାର ହୋଇଛି। ଏଣିକି ଏଠାକାର ବାସିନ୍ଦା ପାଇବେ ମୋବାଇଲ ସେବାର ସୁବିଧା । ହନ୍ତାଳଗୁଡା, ଟିକିଲିପଦର, ଯନ୍ତାପାଇ ଏବଂ ଦାରଲାବେଡାରେ ଲାଗିଲା ସେବା। ତେବେ ଏହି ସେବା ପାଇଁ ପାଖାପାଖି ୩୦ ହଜାରରୁ ଅଧିକ ଲୋକେ ଉପକୃତ ହେବେ ବୋଲି ଜଣାପଡିଛି। ମାଓବାଦୀଙ୍କ ନାଲି ଆଖି ଯୋଗୁଁ ମୋବାଇଲ ଯୋଗାଯୋଗ ପାଇଁ ଲୋକଙ୍କୁ କୌଣସି ସୁବିଧା ନଥିଲା । ତେବେ ରାଜ୍ୟ ସରକାର ଏବଂ ଜିଲ୍ଲା ପ୍ରଶାସନର ପ୍ରଚେଷ୍ଟା, ପୋଲିସର ସୁରକ୍ଷା ଯୋଗୁଁ ଆଜି ସ୍ବାଭିମାନ ଅଞ୍ଚଳବାସୀ ଏହି ସୁବିଧା ପାଇଛନ୍ତି ବୋଲି କୁହାଯାଉଛି । ପୂର୍ବରୁ ରାଜ୍ୟ ସରକାର ଗୁରୁପ୍ରିୟା ସେତୁ ନିର୍ମାଣ ପରେ ରାସ୍ତା କାମକୁ ଜୋରଦାର କରି ସ୍ବାଭିମାନ ଅଞ୍ଚଳ ଲୋକଙ୍କ ପାଇଁ ଯୋଗାଯୋଗର ସୁବିଧା କରିପାରିଥିଲେ। ଆଉ ଏବେ ଟେଲିକମ୍ର ସୁବିଧା କରି ଆଉ ଏକ ମାଇଲଖୁଣ୍ଟ ସୃଷ୍ଟି କରିଛନ୍ତି। ଅଞ୍ଚଳବାସୀ ସରକାରଙ୍କୁ ଧନ୍ୟବାଦ ଜଣାଇଛନ୍ତି।
ସବୁବର୍ଗ ଖବର
