ଲଚେର ଗ୍ରାମରେ ବଣ୍ଡା ସମ୍ପ୍ରଦାୟର ବାର୍ଷିକ ବୈଠକ ଅନୁଷ୍ଠିତ
ମାଲକାନଗିରି (ସଖପ୍ର): ଖଇରପୁଟ ବ୍ଲକ ଅନ୍ତର୍ଗତ କଦମଗୁଡା ଗ୍ରାମ ପଞ୍ଚାୟତର ଲଚେର୍ ଗ୍ରାମରେ ବଣ୍ଡା ସମ୍ପ୍ରଦାୟର ବାର୍ଷିକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ବଣ୍ଡା ସମ୍ପ୍ରଦାୟର ସଭାପତି ସୁରେନ୍ଦ୍ର ନାୟକ ଅଧ୍ୟକ୍ଷତା କରିଥିବାବେଳେ ସମ୍ପାଦକ ସୁର୍ଯ୍ୟ ନାରାୟଣ ଦିରଡି , କୋଷାଧ୍ୟକ୍ଷ ମଧୂ ବଡନାୟକଙ୍କ ସମେତ ବହୁ ସଂଖ୍ୟାରେ ବଣ୍ଡା ଅଧିବାସୀ ଯୋଗ ଦେଇଥିଲେ । ବୈଠକରେ ମୁଖ୍ୟତଃ ଭାବେ ପ୍ରଶାସନ ତରଫରୁ ଉପର ବଣ୍ଡାଞ୍ଚଳ ଓ ତଳ ବଣ୍ଡାଞ୍ଚଳ ମଧ୍ୟରେ ହେଉଥିବା ଉନ୍ନୟନ କାର୍ଯ୍ୟରେ ପାତର ଅନ୍ତର ନୀତିକୁ ନେଇ ସମସ୍ତେ କ୍ଷୋଭ ପ୍ରକାଶ କରିବା ସହ, ସମସ୍ତ ବଣ୍ଡାଞ୍ଚଳରେ ସମନ୍ୱୟ ରକ୍ଷା କରି ଶିକ୍ଷା, ସ୍ୱାସ୍ଥ୍ୟ, ପାନୀୟ ଜଳଯୋଗାଣ, ପରିମଳ ଓ ଯାତାୟାତର ସୁବ୍ୟବସ୍ଥା କରିବା ପାଇଁ ପ୍ରକଳ୍ପ ପ୍ରଶାସକ-ITDA ଓ ବଣ୍ଡା ଉନ୍ନୟନ ଅଧିକାରୀଙ୍କୁ ଲିଖିତ ଭାବେ ଜଣାଇବା ପାଇଁ ସମ୍ମତି ପ୍ରକାଶ ପାଇଥିଲା । ଏଥିସହ ଆଗାମୀ ଦିନ ମାନଙ୍କରେ ପାଳନ ହେବାକୁ ଥିବା କ୍ରାନ୍ତିକାରୀ ଦିବସ, ସ୍ୱାଧୀନତା ଦିବସ ଓ ମାଥିଲି ଗୁଳିକାଣ୍ଡ ଦିବସକୁ କରୋନା ନିତି ନିୟମ ମାନି ପାଳନ କରିବା ପାଇଁ ନିଷ୍ପତ୍ତି ହୋଇଥିଲା । ସୁଚନା ଥାଉକି ଯେ ଉକ୍ତ ଦିବସ ଗୁଡିକ ପାଳନ ଅବସରରେ ବଣ୍ଡା ଜନଜାତି ସେମାନଙ୍କ ପାରମ୍ପରିକ ପୋଷାକ ଓ ଅସ୍ତ୍ରଶସ୍ତ୍ର ବିଭିନ୍ନ ନୃତ୍ୟଗୀତ ମାଧ୍ୟମରେ ପ୍ରଦର୍ଶନ କରିଥାନ୍ତି।
ମାଲକାନଗିରି ପ୍ରତିନିଧି ପୃର୍ଣ୍ଣଚନ୍ଦ୍ର ତ୍ରୀପାଠୀ
ସବୁବର୍ଗ ଖବର
