ରାସ୍ତା କାଦୁଅ ଭରା ହୋଇଥିବା ଯୋଗୁଁ ଲୋକେ ହନ୍ତସନ୍ତ
ମାଲକାନଗିରି (ସ.ଖ.ପ୍ର ):ଲଗାଣ ବର୍ଷା ଯୋଗୁଁ ଜିଲ୍ଲାର ବିଭିନ୍ନ ସ୍ଥାନରେ ରାସ୍ତାର ଅବସ୍ଥା ଶୋଚନୀୟ ହୋଇଯାଇଛି |ଖଇରପୁଟ ବ୍ଲକ କୁଡ଼ୁମୁଲୁଗୁମା ପଂଚାୟତର ପାଖନା ଗୁଡା ଛକ ଠାରୁ ବିଙ୍ଗୁ ଗୁଡା ପର୍ଯ୍ୟନ୍ତ ରାସ୍ତାଟି ସମ୍ପୂର୍ଣ୍ଣ କାଦୁଅ ଭରା ହୋଇଯାଇଛି ଏବଂ କେତେକ ସ୍ଥାନରେ ବଡ଼ ବଡ଼ ଗର୍ତ୍ତ ସୃଷ୍ଟି ହୋଇଛି |ଏହା ଦ୍ୱାରା ଲୋକେ ଚାଲିକି କିମ୍ବା ମୋଟର ସାଇକଲରେ ମଧ୍ୟ ଯାତାୟାତ କରିପାରୁନାହାନ୍ତି |ବେଳେ ବେଳେ ଦୁର୍ଘଟଣା ମଧ୍ୟ ଘଟୁଛି |ପକ୍କା ରାସ୍ତା ପାଇଁ କହିଲେ କୌଣସି ସରକାରୀ ଅଧିକାରୀ ଶୁଣୁନାହାନ୍ତି |ତେଣୁ କେତେଜଣ ସମାଜସେବୀ ସୋସିଆଲ ମେଡ଼ିଆ ଓ ଗଣମାଧ୍ୟମ ଜରିଆରେ ଚିତ୍ରକୋଣ୍ଡା ବିଧାୟକ ପୂର୍ଣ୍ଣ ଚନ୍ଦ୍ର ବାକା ଓ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀଙ୍କୁ ରାସ୍ତା ତିଆରି କରିବା ପାଇଁ ନିବେଦନ କରିଛନ୍ତି |ଦେଖିବାକୁ ବାକିରହିଲା କେବେ ତାଙ୍କ ଦୁଃଖ ଦୂର ହେଉଛି |
ସବୁବର୍ଗ ଖବର
