ମୁକୁନ୍ଦପୁର ଉନ୍ନୀତ ହାଇସ୍କୁଲର ବାର୍ଷିକ ଉତ୍ସବ ଅନୁଷ୍ଠିତ
ରାୟଗଡା ଜ଼ିଲ୍ଲା :(ପ୍ରତିନିଧି ଅମୁଲ୍ୟ ନିଶଙ୍କ) ରାୟଗଡା ଜ଼ିଲ୍ଲା ଅନ୍ତର୍ଗତ କୋଲନରା ବ୍ଲକର ମୁକୁନ୍ଦପୁର ଉନ୍ନୀତ ଉଚ୍ଚ ବିଦ୍ୟାଳୟ ର ବାର୍ଷିକୀ ଉତ୍ସବ ମହାଆଡମ୍ବରରେ ପାଳିତ ହୋଇଯାଇଛି। ମୁଖ୍ୟଅତିଥି ରୂପେ ବ୍ଲକ ଶିକ୍ଷା ଗୋଷ୍ଠି ଅଧିକାରୀ ଏମ ଖଗେଶ୍ୱର ରାଓ ଯୋଗ ଦେଇ ପ୍ରଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ।
ପରେ ପରେ ଫୁଲବାମାରେ ଆତଙ୍କବାଦୀଙ୍କ ଗୁଳିରେ ସହୀଦ ସି ଆର ପି ଏଫ ଯବାନଙ୍କ ଉଦ୍ଦେଶ୍ୟରେ ନିରବ ପ୍ରାର୍ଥନା କରାଯାଇଥିଲା।ଏହି ସ୍କୁଲର ଗୌରବ ପୁରାତନ ଛାତ୍ର ଛାତ୍ରୀ ଓଏଏସ ପରୀକ୍ଷାରେ କୃତକାର୍ଯ୍ୟ ହୋଇ ସ୍କୁଲର ନାଁ କୁ ଉଚ୍ଚ କରିଥିବାରୁ ସ୍କୁଲ ପକ୍ଷରୁ ସ୍ମରଣିକା ପ୍ରକାଶ ପାଇଥିଲା।ତୁଳ ଓ ଚିନ୍ମୟ ଚୂଆଳଙ୍କୁ ମୁଖ୍ୟ ଅତିଥି ଉପଢୌକନ ଦେଇ ସମ୍ମାନିତ କରିଥିଲେ ବିଦ୍ୟାଳୟର ପ୍ରଧାନ ଶିକ୍ଷକ ଅଶୋକ କୁମାର ଦାସ। ସଭାପତିତ୍ୱ କରିଥିଲେ ଶିକ୍ଷକ ଅମୁଲ୍ୟ କୁମାର ମାଳି ଓ ବାର୍ଷିକୀ ବିବରଣୀ ପାଠ କରିଥିଲେ। ଶିକ୍ଷକ ସଞ୍ଜୟ ନାଗ ସଭାକାର୍ଯ୍ୟ ପରିଚାଳନା କରିଥିଲେ।ବିଭିନ୍ନ କ୍ରୀଡାରେ କୃତି ଛାତ୍ର ଛାତ୍ରୀଙ୍କୁ ଅତିଥିଙ୍କ ଦ୍ୱାରା ପୁରସ୍କାର ବିତରଣ କରାଯାଥିଲା। ଅନ୍ୟ ଅତିଥି ମାନଙ୍କ ମଧ୍ୟରେ ମୁକୁନ୍ଦପୁର ସରପଞ୍ଚ ଶିବ କୋଣ୍ଡାଗିରୀ, ବିଦ୍ୟାଳୟ ପରିଚାଳନା କମିଟି ସଭାପତି ଇପିଲି ପ୍ରସାଦ, ଏ ବି ଓ ବଂଶୀଧର ବେହେରା, ସି ଆର ସି ଗୋବର୍ଧନ କୁଲେସିକା ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ଶିକ୍ଷକ ତପନ କୁମାର ପଟ୍ଟନାୟକ, ସୋମନାଥ ଦାସ, ଜିତରଣୀ ସେନାପତି, ବିଦୁଲତା ବେହେରା, ବାଳକୃଷ୍ଣ ଗୋମାଙ୍ଗ କାର୍ଯ୍ୟକ୍ରମ ପରିଚାଳନା କରିଥିଲେ।
ସବୁବର୍ଗ ଖବର
