ମାଲକାନଗିରି ଜିଲ୍ଲାରେ ନିଖିଳ ଭାରତ ସ୍ୱାୟତ୍ତ ଶାସନ ଦିବସ ପାଳିତ…
ମାଲକାନଗିରି (ସ.ଖ.ପ୍ର ):ମାଲକାନଗିରି ଜିଲ୍ଲାର ଗୋଟିଏ ପୌର ପରିଷଦ ଓ ବିଜ୍ଞାପିତ ଅଂଚଳ ପରିଷଦରେ କୋଭିଡ -୧୯ ନିୟମାନୁସାରେ ନିଖିଳ ଭାରତ ସ୍ୱାୟତ୍ତ ଶାସନ ଦିବସ ପାଳିତ ହୋଇଛି |ମାଲକାନଗିରି ପୌର ପରିଷଦରେ ମୁଖ୍ୟ ଅତିଥି ରୂପେ ମାଲକାନଗିରି ଏମ ଏଲ ଏ ଆଦିତ୍ୟ ମାଢ଼ୀ ପତାକା ଉତ୍ତଳୋନ କରିଥିଲେ |ଏହି କାର୍ଯ୍ୟକ୍ରମରେ ପୌର ପ୍ରଶାସକ ଜିଲ୍ଲାପାଳ ମନୀଷ ଅଗ୍ରୱାଲ, ଆଦିବାସୀ ସ୍ୱତନ୍ତ୍ର ବିକାଶ ପରିଷଦ ଅଧ୍ୟକ୍ଷ ମାନସ ମାଡକାମୀ, ପୂର୍ବତନ ପୌର ଅଧ୍ୟକ୍ଷା ରଜୋବନ୍ତ କୌର ନିର୍ବାହୀ ଅଧିକାରୀ ତ୍ରିଶୂଳ ମାର୍ଣ୍ଡି ଓ ଅନ୍ୟ କର୍ମଚାରୀ ଉପସ୍ଥିତ ଥିଲେ |ପୌରାଂଚଳରେ ଉତ୍କୃଷ୍ଟ ସେବା କରିଥିବା ବ୍ୟକ୍ତିବିଶେଷଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା |ସେହିପରି ବାଲିମେଳା ପୌରାଂଚଳରେ ମୁଖ୍ୟ ଅତିଥି ରୂପେ ପୌର ପ୍ରଶାସକ ଥିବା ଉପଜିଲ୍ଲାପାଳ ରାମେଶ୍ୱର ପ୍ରଧାନ ପତାକା ଉତ୍ତଳୋନ କରିଥିଲେ |ଉପସ୍ଥିତ ଥିବା ଲୋକଙ୍କୁ ସ୍ୱାୟତ୍ତ ଶାସନ ବିଷୟରେ ଅବିଭାଷଣ ରଖିଥିଲେ |ସେଠାରେ ବାଲିମେଳା ହସ୍ପିଟାଲର କାର୍ଯ୍ୟରତ ଆୟୁଷ ଡାକ୍ତର ଅମ୍ବିକାରାଣୀ ନାଥ, ସହରର କେତେଜଣ ସଫେଇ କର୍ମଚାରୀ ଓ ସଫେଇ ସାଥୀଙ୍କୁ ମାନପତ୍ର ଓ ପୁରସ୍କାର ଦେଇ ସମ୍ବର୍ଦ୍ଧିତ କରାଯାଇଥିଲା |ଏହି କାର୍ଯ୍ୟକ୍ରମକୁ ନିର୍ବାହୀ ଅଧିକାରୀ କୃଷ୍ଣ ଚନ୍ଦ୍ର ରଥ ଓ ଅନ୍ୟ କର୍ମଚାରୀ ପରିଚାଳନା କରିଥିଲେ |
ସବୁବର୍ଗ ଖବର
