ମଦ ପ୍ରସ୍ତୁତ ସ୍ଥାନରେ ପୋଲିସର ଚଢାଉ, ୪୫ ଲିଟର ମହୁଲି ମଦ ଜବତ
ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ପୋଲିସ ପକ୍ଷରୁ ଚୋରାରେ ମଦ ପ୍ରସ୍ତୁତ ହେଉଥିବା ସ୍ଥାନରେ ଚଢାଉ କରାଯାଇଛି । ଦିଗଧର ଗ୍ରାମପଞ୍ଚାୟତ ଅନ୍ତର୍ଗତ ଖୁଣ୍ଟାପୋଷି ଓ ନୂଆସାହି ଜଙ୍ଗଲ ଭିତରେ ଏହି ମଦ ପ୍ରସ୍ତୁତ କରାଯାଉଥିଲା । ଘଟଣାସ୍ଥଳରୁ 45 ଲିଟର ଦେଶୀ ମହୁଲି ମଦ ଜବତ କରାଯିବା ସହ 10 କୁଇଣ୍ଟାଲ ଓଜନର ପୋଚକୁ ନଷ୍ଟ କରିଛି ପୋଲିସ । ତେବେ ଚଢାଉ ସମୟରେ ମଦ ପ୍ରସ୍ତୁତକାରୀ ବେପାରୀ ଘଟଣାସ୍ଥଳରୁ ଫେରାର ହୋଇଯାଇଛି । ଖୁଣ୍ଟାପୋଷି ଓ ନୂଆସାହି ଜଙ୍ଗଲ ଭିତରେ ମଦ ପ୍ରସ୍ତୁତ କରାଯାଉଥିବା ନେଇ ପୋଲିସ ଖବର ପାଇଥିଲା । ଏନେଇ ଠାକୁରମୁଣ୍ଡା ଥାନା ଅଧିକାରୀ ନିରୋଜ କୁମାର ସାମଲଙ୍କ ନେତୃତ୍ବରେ ଏକ ଟିମ ଘଟଣାସ୍ଥଳରେ ଚଢାଉ କରିଥିଲେ । ପୋଲିସ ସେଠାରୁ ମଦ ସହ ମଦ ପ୍ରସ୍ତୁତରେ ବ୍ୟବହୃତ ସାମଗ୍ରୀ ଜବତ କରିଛି । ଏନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।
ସବୁବର୍ଗ ଖବର
