ଭିଜିଲାନ୍ସ ଜାଲରେ ବରିଷ୍ଠ କିରାଣୀ
ମାଲକାନଗିରି:(ସଖପ୍ର): ଭିଜିଲାନ୍ସ ଜାଲରେ ଫସିଛନ୍ତି ମାଲକାନଗିରି ଜିଲ୍ଲା ଉପଜିଲ୍ଲାପାଳ କାର୍ଯ୍ୟାଳୟର ବରିଷ୍ଠ କିରାଣୀ । ତାଙ୍କ ନାଁ ଅକ୍ଷୟ ନାୟକ । ଅକ୍ଷୟ ୮୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଥିଲେ । ଜମିଜମା ମାମଲାରେ ଜାରି ହୋଇଥିବା ୧୪୪ ଧାରା ଉଚ୍ଛେଦକୁ ନେଇ ଜୀବନ ମଣ୍ଡଳ ନାମକ ବ୍ୟକ୍ତିଙ୍କଠାରୁ ସେ ଗତକାଲି ୨୦ ହଜାର ଟଙ୍କା ଲାଞ୍ଚ ନେଇଥିଲେ । କିନ୍ତୁ ଆଜି ଆଉ ୮୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ନାଲି ହାତରେ ଧରିଥିଲା ଭିଜିଲାନ୍ସ । ଜୟପୁର ଓ ମାଲକାନଗିରି ଭିଜିଲାନ୍ସ ଟିମର ମିଳିତ ସହଯୋଗରେ ଏହି ଚଢାଉ ହୋଇଥିଲା । ଏବେ ଜିଲ୍ଲାର ବହୁତ ଅଫିସରେ ହାତଗୁଂଜା ନେଉଥିବା ଅଧିକାରୀମାନେ ଛାନିଆ ହୋଇପଡିଛନ୍ତି |
ସବୁବର୍ଗ ଖବର
