ଭାରଉତ୍ତୋଳନ ବିଜେତା ପିଙ୍କିଙ୍କୁ ସମ୍ବର୍ଦ୍ଧନା କଲେ କୋଣ୍ଡାବାବୁ
ରାୟଗଡା(ସଖପ୍ର) :ଆମ ରାୟଗଡା ମାଟିର ଝିଅ ପିଙ୍କି ହୁଇକା ଭୁବନେଶ୍ଵରସ୍ଥିତ କଳିଙ୍ଗ ଷ୍ଟାଡିୟମରେ ଓଡ଼ିଶା ଆନ୍ତ କ୍ଲବ ଭାର ଉତ୍ତୋଳନ ପ୍ରତିଯୋଗିତାରେ ୪୯କିଲୋ ମହିଳା ବରିଷ୍ଠ ବର୍ଗରେ ଅଂଶଗ୍ରହଣ କରି ଆମ ଜିଲ୍ଲା ପାଇଁ ବ୍ରୋଞ୍ଜ ପଦକ ହାସଲ କରିଥିବାରୁ ବିଜେଡିର ବରିଷ୍ଠ ସଙ୍ଗଠକ ତଥା ରାୟଗଡା ଟ୍ରକ ମାଲିକ ୟୁନିଅନର ସଭାପତି ଶ୍ରୀ ୟାଲ୍ଲା କୋଣ୍ଡାବାବୁ ଜିଲ୍ଲା ବିଜେଡି କାର୍ଯ୍ୟାଲୟ ଠାରେ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧନା କରିଥିଲେ। କୋଣ୍ଡା ବାବୁ କହିଥିଲେ ଯେ ଖେଳ ଏକ ଏମିତି ମାର୍ଗ ଯେ ସମସ୍ତଙ୍କୁ ଭାଇଚାରାରେ ବାନ୍ଧି ରଖେ । ଆମ ଜ଼ିଲ୍ଲାରେ ବହୁ ପ୍ରତିଭାବାନ କ୍ରୀଡ଼ାବିତ ମାନେ ଅଛନ୍ତି, ସେମାନଙ୍କୁ ଉତ୍ସାହିତ କରି ଆଗକୁ ନେବା ଆମ ସମସ୍ତଙ୍କ କର୍ତ୍ତବ୍ୟ ବୋଲି କହିଥିଲେ । ଯାହାକି ରାୟଗଡା ଜିଲ୍ଲା ପାଇଁ ଭାର ଉତ୍ତୋଳନ କ୍ଷେତ୍ରରେ ଇତିହାସ ପ୍ରଥମ ବ୍ରୋଞ୍ଜ ପଦକ । ଆମ ଜିଲ୍ଲାରେ ପିଙ୍କି ପରି ଅନ୍ୟ ଯୁବ ପ୍ରତିଭା କ୍ରୀଡାବିତ୍ ମାନେ ସବୁ ପ୍ରତିଯୋଗିତା ଅଂଶ ଗ୍ରହଣ କରି ଅଧିକରୁ ଅଧିକ ପଦକ ହାସଲ କରି ଆମ ଜିଲ୍ଲାକୁ ଗୌରବ ଆଣିବେ ବୋଲି ଆଶା କରିଥିଲେ।
ରାୟଗଡାରୁ ଅମୁଲ୍ୟ ନିଶଙ୍କ ପ୍ରତିନିଧିଙ୍କ ରିପୋର୍ଟ
ସବୁବର୍ଗ ଖବର
