ବିଶିଷ୍ଟ ସମାଜସେବୀ ସୁଦର୍ଶନ ରାଉତଙ୍କ ବିୟୋଗରେ ବିଭିନ୍ନ ମହଲରେ ଶୋକ
କୋରାପୁଟ ୨୩/୫(ସଖପ୍ର): କୋରାପୁଟ ଜିଲ୍ଲା କୋଟପାଡ଼ ବ୍ଲକ ଅନ୍ତର୍ଗତ ଛତର୍ଲା ଗ୍ରାମର ବିଶିଷ୍ଟ ସମାଜସେବୀ ସୁଦର୍ଶନ ରାଉତଙ୍କର ଗତ ରାତ୍ରିରେ ଦେହାନ୍ତ ହୋଇଯାଇଛି । ସେ ଦୀର୍ଘଦିନ ଧରି ପକ୍ଷାଘାତ ରୋଗରେ ପୀଡିତ ଥିଲେ ।ତାଙ୍କ ମୃତ୍ୟୁ ଖବର ପାଇବା ପରେ ବିଜୁ ଜନତା ଦଳର ନେତା ଶ୍ରୀ ମନୋଜ କୁମାର ବିଷୋୟୀ କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦର ଉପାଧ୍ୟକ୍ଷ ଶ୍ରୀ ସିଦ୍ଧାର୍ଥ ତ୍ରିପାଠୀ (ବାପୁନ), ରାଜ୍ୟ ପ୍ରଦେଶ କଂଗ୍ରେସ କମିଟିର ସମ୍ପାଦକ ଶ୍ରୀ ମଣି ପଟ୍ଟନାୟକ, ସରପଞ୍ଚ ଶ୍ରୀମତି ଯମୁନା ପୂଜାରୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିମାନେ ତାଙ୍କ ବାସଭବନରେ ପହଞ୍ଚି ଶୋକସନ୍ତପ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ।କୋଟପାଡ କଂଗ୍ରେସ କାର୍ଯ୍ୟାଳୟ ପରିସରରେ ଆଜି ଏକ ଶୋକ ସଭାର ଆୟୋଜନ କରାଯାଇ ତାଙ୍କ ସ୍ବର୍ଗତ ଆତ୍ମାର ସଦଗତି କାମନା କରାଯାଇଛି ।
ସବୁବର୍ଗ ଖବର
