ବିଛିନ୍ନାଞ୍ଚଳକୁ କୋଟପାଡ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଗ୍ରସ୍ତ
କୋରାପୁଟଜିଲ୍ଲା/କୋଟପାଡ ୧୦/୧୧ (ସଖପ୍ର) : କୋଟପାଡ ବ୍ଲକର ଛତର୍ଲା ଗ୍ରାମପଞ୍ଚାୟତ ଅନ୍ତର୍ଗତ ବିଛିନ୍ନାଞ୍ଚଳରେ ଥିବା ଲକଟିଗୁଡା,କଷିଗୁଡା,ଫଟକିକୁମ୍ବି,କଟରାଗୁଡା,ବାକଟିଗୁଡା ଏବଂ ନୂଆଗୁଡା ଗ୍ରାମକୁ ଆଜି ନୂତନଭାବେ ଦାୟିତ୍ବ ନେଇଥିବା କୋଟପାଡ ବିଡିଓ ଦାଶରଥି ସରାବୁ,ସହକାରୀ ଯନ୍ତ୍ରୀ କ୍ଷୀରୋଦ ବେହେରା, କନିଷ୍ଠ ଯନ୍ତ୍ରୀ ପ୍ରଦୀପ କୁମାର ପୃଷ୍ଟି ପରିଦର୍ଶନ କରି ଅଞ୍ଚଳର ଗମନାଗମନ ଏବଂ ଲୋକମାନେ କିପରି ସରକାରଙ୍କ ଯୋଜନାରୁ ଉପକୃତ ହୋଇପାରିବେ, ଦୁଇଟି ନଦୀଘାଟର ରକ୍ଷଣାବେକ୍ଷଣ ଓ ଏନ ଆଇ ଇ ଜି ଏସ ଯୋଜନାରେ ରାସ୍ତାଘାଟ, ଗୋଷ୍ଠିକେନ୍ଦ୍ର ନିର୍ମାଣ କରିବାପାଇଁ ଆକ୍ସନ ପ୍ଲାନରେ ଚଳିତ ବର୍ଷ କରାହେବ ବୋଲି ପ୍ରତିଶ୍ରୃତି ଦେଇଥିବା ସାଧାରଣରେ ଚର୍ଚ୍ଚା ହେଉଛି। ଓ୍ବାର୍ଡ ମେମ୍ବର ଶ୍ରୀ ଲବ ସାଆନ୍ତା ଓ ଡମୁଣି ଭୂମିଆ ଅଧିକାରୀ ମାନଙ୍କୁ ସ୍ବାଗତ ଜଣାଇଥିଲେ। ଆଜିର ଏହି ଗ୍ରସ୍ତ ସମୟରେ ଅନ୍ୟମାନଙ୍କ ମଧ୍ୟରେ ଏବିଡିଓ ଗୋକୁଳାନନ୍ଦ ଭଟ୍ଟ , ପଞ୍ଚାୟତ ଅଧିକାରୀ ବିଜ୍ଞାନ ନାୟକ ଓ ଗ୍ରାମ ରୋଜଗାର ସେବକ ଶ୍ରୀ ଶରତ ପଟ୍ଟନାୟକଙ୍କ ସମେତ ଗ୍ରାମବାସୀମାନେ ଉପସ୍ଥିତ ଥିଲେ।
ସବୁବର୍ଗ ଖବର
