ବର୍ଷାରେ ସହର ଭିତର ରାସ୍ତାରେ କୃତ୍ରିମ ହ୍ରଦ…
ମାଲକାନଗିରି (ସ.ଖ.ପ୍ର ):ମାଲକାନଗିରି ଜିଲ୍ଲାରେ ଲଗାଣ ବର୍ଷାରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି |ବିଭିନ୍ନ ସ୍ଥାନରେ ଜମି, ରାସ୍ତା, ଘର ନଷ୍ଟ ହେବାର ନଜରକୁ ଆସିଛି |କିନ୍ତୁ ଜିଲ୍ଲା ସଦରର ରୀକ୍ଲା ମେସନ କଲୋନୀରେ ଥିବା ରାସ୍ତାର ବିଭିନ୍ନ ସ୍ଥାନରେ କୃତ୍ରିମ ହ୍ରଦ ସୃଷ୍ଟି ହୋଇଛି |ଏହି କଲୋନୀରେ ପ୍ରାୟ ସରକାରୀ କର୍ମଚାରୀ ହିଁ ରୁହନ୍ତି |ସେମାନେ ପ୍ରତ୍ୟେକ ଦିନ ଅଫିସ ଯିବା ଆସିବା କରନ୍ତି |କିନ୍ତୁ ବର୍ତ୍ତମାନ ରାସ୍ତାର ଅବସ୍ଥା ଯାହା ସେମାନେ ବାଇକରେ ଯିବାଆସିବା ହେବା ତ ଦୂର କଥା ଚାଲି ଚାଲି ଯିବା ମଧ୍ୟ କଷ୍ଟସାଧ୍ୟ ହୋଇପଡୁଛି |ଲୋକେ ଏ ବିଷୟରେ ବାରମ୍ବାର ଅଧିକାରୀଙ୍କୁ ଜଣାଇଲା ପରେ ମଧ୍ୟ କିଛି ବି ସୁଫଳ ମିଳିନାହିଁ |ତେଣୁ ଯଥାଶୀଘ୍ର ଏହି ରାସ୍ତାର ମରାମତି କରିବାପାଇଁ ସେଠାକାର ଲୋକେ ଦାବି କରିଛନ୍ତି |ଦେଖିବାକୁ ବାକିରହିଲା କେବେ ଏହି ରାସ୍ତା ମରାମତି ହେଉଛି |
ସବୁବର୍ଗ ଖବର
