ପୋଲିସ କ୍ୟାଣ୍ଟିନରେ ମହିଳା ମୃତ୍ୟୁ ଘଟଣାକୁ ନେଇ ମାଲକାନଗିରିରେ ବି ଜେ ପି ର ୬ ଜଣିଆ ଟିମ
ମାଲକାନଗିରି (ସ. ଖ. ପ୍ର ):ପୋଲିସ କ୍ୟାଣ୍ଟିନରେ କାର୍ଯ୍ୟରତ ମହିଳାଙ୍କ ମୃତ୍ୟୁ ଘଟଣାକୁ ନେଇ ମୁଖ୍ୟ ବିରୋଧୀ ଦଳ ବି ଜେ ପି ର ୬ ଜଣିଆ ଫ୍ୟାକ୍ଟ ଫାଇଣ୍ଡିଙ୍ଗ ଟିମ ମାଲକାନଗିରି ଆସିଥିଲେ |ପ୍ରଥମେ କିଛି ସମୟ ସ୍ଥାନୀୟ ସର୍କିଟ ହାଉସରେ ରହିବା ପରେ ପ୍ରଥମେ ପୋଲିସ କ୍ୟାଣ୍ଟିନ ଓ ପରେ ପୀଡିତା ଙ୍କ ଘରକୁ ଯାଇଥିଲେ |ପୀଡିତାଙ୍କ ସ୍ୱାମୀଙ୍କୁ କିପରି ଅବସ୍ଥାରେ ତାଙ୍କୁ ଉଦ୍ଧାର କରିଥିଲେ ଓ ଶରୀରରେ କେଉଁ କେଉଁ ସ୍ଥାନରେ ଦାଗ ଥିଲା ତାହା ପଚାରିଥିଲେ |ସାହି ପଡିଶାଙ୍କ ସହ ମଧ୍ୟ କଥା ହୋଇଥିଲେ |ମାଲକାନଗିରି ଆସିବା ପୂର୍ବରୁ ପ୍ରତିନିଧି ଦଳ କୋରାପୁଟ ଳକ୍ଷ୍ମଣ ନାୟକ ମେଡିକାଲ କଲେଜକୁ ଯାଇ ଏଠାକୁ ଆଣିବା ସମୟରେ ପୀଡିତାଙ୍କ ଅବସ୍ଥା କିପରି ଥିଲା, କଣ ହୋଇଥିଲା ସବୁ ପଚାରିବୁଝିଥିଲେ |୨ ମାସ ରୁ ଉର୍ଧ୍ଵ ସମୟ ବିତିଯାଇଥିଲେ ମଧ୍ୟ ପୋଲିସ ଦୋଷୀଙ୍କ ଟେର ପାଇନାହିଁ |ଏହି ସବୁ ତଥ୍ୟକୁ ନେଇ ଆମେ ରିପୋର୍ଟ ତିଆରି କରିବା ପରେ ରାଜ୍ୟ ସଭାପତିଙ୍କୁ ଦିଆଯିବ |ଏହି ପ୍ରତିନିଧି ଦଳର ନେତୃତ୍ୱ ନେଇଥିଲେ ରାଜ୍ୟ ମହିଳା ମୋର୍ଚ୍ଚା ଉପସଭାପତି ପ୍ରଭାତୀ ପରିଡା |ପ୍ରତିନିଧି ଦଳରେ ଥିବା ଅନ୍ୟମାନେ ହେଲେ ରାଜ୍ୟ ଉପସଭାପତି ବଳଭଦ୍ର ମାଝୀ, ବିଧାୟକ ଆଦିତ୍ୟ ମାଢ଼ୀ, ସୋନାଲି ସାହୁ, ସାଧାରଣ ସମ୍ପାଦିକା କବିତା ସାହୁ |
ସବୁବର୍ଗ ଖବର
