ନିମ୍ନମାନର ରାସ୍ତା କରିଥିବା ଅଭିଯୋଗ…
ମାଲକାନଗିରି (ସ.ଖ. ପ୍ର ): ଖଇରପୁଟ ବ୍ଲକ ବଡ଼ଡୁରାଲ ପଂଚାୟତ ପଡିପଡା ଛକ ଠାରୁ ପୂଜାରୀଗୁଡା ଓ କଟ୍ରାଗୁଡ଼ା ଗାଁ ଯାଇଥିବା ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ଯେଉଁ ରାସ୍ତା ତିଆରି ହୋଇଛି, ଏବେ ସେହି ରାସ୍ତାର ଅବସ୍ଥା ଅତି ଶୋଚନୀୟ ହୋଇଯାଇଛି |ସେହି ରାସ୍ତା ମଝିରେ ଥିବା ବ୍ରିଜ ଓ ଆପ୍ରୋଚ ରାସ୍ତା ବର୍ଷାରେ ଧୋଇ ହୋଇଯାଇଛି |ପ୍ରାୟ ୬ ଟି ଗ୍ରାମରେ ଲୋକେ ଏହି ରାସ୍ତା ଉପରେ ନିର୍ଭର କରୁଥିଲେ |ଏବେ ସେମାନେ ଡାକ୍ତରଖାନା, ହାଟ ବା ଅନ୍ୟ ଗାଁକୁ ଯାଇ ପାରୁନାହାନ୍ତି |ଅଂଚଳବାସୀ ଏବେ ଅଭିଯୋଗ କରିଛନ୍ତି ଯେ ଠିକାଦାର ଓ ଯନ୍ତ୍ରୀ ମିଶି ଅତି ନିମ୍ନମାନର କାର୍ଯ୍ୟ କରିଛନ୍ତି |ତେଣୁ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାପାଇଁ ଅଂଚଳବାସୀ ଦାବି କରିଛନ୍ତି |ଯନ୍ତ୍ରୀଙ୍କୁ ପଚାରିଲେ ଏହା ଆମ କାମ ନୁହେଁ ରୂଫ ଏଣ୍ଡ ବ୍ରିଜ କମ୍ପାନୀ କରୁଛନ୍ତି |ଜିଲ୍ଲାର ଯେଉଁ ରାସ୍ତା ଶୋଚନୀୟ ହୋଇଛି ତାହା ବିଷୟରେ ବିଭାଗୀୟ ଅଧିକାରୀଙ୍କୁ ପଚାରିଲେ ତାହା ଆମ୍ୱେକରିନାହୁଁ ରୂଫ ଏଣ୍ଡ ବ୍ରିଜ କମ୍ପାନୀ କରିଛି |ଜିଲ୍ଲାର ଯେଉଁ ରାସ୍ତା ଶୋଚନୀୟ ହେଉଛି ତାହା ବିଭାଗୀୟ ଅଧିକାରୀ ମନା କରିବାର ଉଦେଶ୍ୟ ବୁଝି ହେଉନାହିଁ ତେଣୁ ଏହାର ଉଚ୍ଚ ସ୍ତରୀୟ ତଦନ୍ତ ଆବଶ୍ୟକ ବୋଲି ବୁଦ୍ଧିଜୀବୀମାନେ ମତ ପ୍ରକାଶ କରିଛନ୍ତି |
ସବୁବର୍ଗ ଖବର
