ଦାମନଯୋଡି ଥାନା ଅଧିନସ୍ଥ ମାଥାଲପୁଟ ମାର୍କେଟ ପାର୍ଶ୍ବ ଆମ୍ବତୋଟାରୁ ଜଣେ ଯୁବକର ମୃତଦେହ ଉଦ୍ଧାର
ଦାମନଯୋଡି-(୨୮/୧୦)-ଦାମନଯୋଡି ଥାନା ଅଧିନସ୍ଥ ମାଥାଲପୁଟ ମାର୍କେଟ ପାର୍ଶ୍ବରେ ଥିବା ଆମ୍ବତୋଟାରୁ ଜଣେ ଯୁବକର ମୃତଦେହ ପୋଲିସ ଉଦ୍ଧାର କରିଛି। ମୃତକ ଜଣଙ୍କ କାକିରିଗୁମ୍ମା ଥାନା ଗଉଡଗୁଡାର ମକର ମହାନନ୍ଦିଆଙ୍କ ପୁଅ ମୁନ୍ନା ମହାନନ୍ଦିଆ(୨୩ବର୍ଷ) ବୋଲି ଜଣାପଡିଛି।ମୃତ୍ୟୁର କାରଣ ଜଣାପଡିନାହିଁ।ଦାମନଯୋଡି ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ସହ ପୋଷ୍ଟମର୍ଟମ ପାଇଁ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ହସପିଟାଲକୁ ପଠାଇଛି।ଏହା ଏକ ହତ୍ୟାକାଣ୍ଡ ବୋଲି ସାଧାରଣରେ ଚର୍ଚ୍ଚା ହେଉଛି।ମାଥାଲପୁଟ ଅଂଚଳରେ ବେଆଇନ ମଦ କାରବାର,କୋଡିନଯୁକ୍ତ କଫ୍ ସିରାପ୍,ନିଶା ଇଂଜେକସନ ଖୁଲମଖୁଲା ବିକ୍ରି ଚାଲିଚି।କେତେକ ଯୁବକ ଓ ନାବାଳକ ଫେଭିକଲ ଅଠାକୁ ଶୁଙ୍ଘିବା ଦ୍ବାରା ନିଶାଗ୍ରସ୍ତ ହୋଇ ବିଭିନ୍ନ ଅସାମାଜିକ କାର୍ଯ୍ୟରେ ଲିପ୍ତ ରହୁଥିବା ନଜୀର ରହିଛି। ପୋଲିସ ନିଶାବେପାରୀଙ୍କୁ କୋହଳ ମନୋଭାବ ପୋଷଣ କରୁଥିବା ବିଭିନ୍ନ ମହଲରୁ ଅଭିଯୋଗ ହେଉଛି।ତେଣୁ ନିଶାସକ୍ତ ହୋଇ ବିଭିନ୍ନ ଅସାମାଜିକ କାର୍ଯ୍ୟ ଚାଲୁଥିବା ଚର୍ଚ୍ଚା ହେଉଛି।ତେବେ ପୋଲିସ ପକ୍ଷରୁ ନିଶାକାରବାର ବନ୍ଦ କରିବା ସହ ଅସାମାଜିକ କାର୍ଯ୍ୟ ବନ୍ଦ କରିବା ପାଇଁ ସ୍ଥାନୀୟ ଅଂଚଳବାସୀ ଦାବୀ କରିଛନ୍ତି।
ଦାମନଯୋଡିରୁ ମାନସ ରଞ୍ଜନ କର
ସବୁବର୍ଗ ଖବର
