ତାଲା ବନ୍ଦ ରେ ସୁଯୋଗ ନେଇ ଚୋରା ମଦ ବେପାରୀ ମାଲାମାଲ
ରାୟଗଡା ଜ଼ିଲ୍ଲା :(ପ୍ରତିନିଧି ଅମୁଲ୍ୟ ନିଶଙ୍କ) ରାୟଗଡା ଜିଲାରେ ଲକଡାଉନର ସୁଯୋଗ ନେଇ ଚୋରାମଦ କାରବାର ବୃଦ୍ଧି ପାଉଥିବା ଦୃଷ୍ଟିରେ ରଖି ଜିଲ୍ଲାପାଳ,ରାୟଗଡା ଏବଂ ଜିଲ୍ଲା ଅବକାରୀ ଅଧିକ୍ଷକଙ୍କ ନିର୍ଦେଶକ୍ରମେ ଜିଲ୍ଲାର ବିଭିନ୍ନ ସ୍ଥାନରେ ଗତ ୧୩ ଓ ୧୪ ତାରିଖରେ ଦୁଇଦିନ ଧରି ଅବକାରୀ ଦଳବଳ ଚଢ଼ାଉ କରିଥିଲେ ଓ ବହୁ ପରିମାଣର ଦେଶୀମଦ, ପୋଚ୍ଚ ଓ ସାମଗ୍ରୀ ଜବତ କରିବାସହ ନଷ୍ଟ କରିବାରେ ସଫଳ ହୋଇଛନ୍ତି ।
ଗତ ତା ୧୩.୫.୨୦ରିଖରେ କାଶୀପୁର ଥାନ ଅନ୍ତର୍ଗତ ପୋଡବନ୍ଧ,ଓ ପୋଣ୍ଡପଡା ଅଞ୍ଚଳରେ ଅବକାରୀ ବିଭାଗ,ବନ ବିଭାଗ , ପୋଲିସ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ ମିଳିତ ଭାବରେ ଚଢ଼ାଉ କରି ୮୦ଲିଟର ପୋଚ୍ଚ, ୫୦ ଲିଟର ଦେଶୀମଦ ଓ ୩୫ଲିଟର ସଲପ ତାଡ଼ି ଜବତ କରି ନଷ୍ଟ କରିଛନ୍ତି ।ଏହା ସହିତ ଜଡିତ ୨ଜଣ ବ୍ୟକ୍ତି ଫୁଲନ୍ତି ନାୟକ ଓ ପ୍ରତାପ ସାହୁଙ୍କୁ ଗିରଫ କରାଯାଇଛି।
ବିଷମ କଟକ ଥାନା ଅନ୍ତର୍ଗତ ଉର୍ଲାଯୋଡି ଗ୍ରାମରେ ଚଡଉ କରି ୨୦୦ଲିଟର ପୋଚ୍ଚ ଓ ୭ଲିଟର ମଦ ନଷ୍ଟ କରାଯାଇଛି ।
ଗୁଡାରି ଥାନା ଅଞ୍ଚଳରେ ସୁନପାଲି(ରାଉତ୍ତରଙ୍ଗ) ଗ୍ରାମରେ ଚଢ଼ାଉ କରି ୧୩୪୦ଲିଟର ପୋଚ୍ଚ ଓ ୩୫ଲିଟର ରନ୍ଧା ମଦ ଜବତ କରି ନଷ୍ଟ କରା ଯାଇଛି ।
ସେହିପରି ଗୁଣପୁର ଥାନାର ଓକିଲଗୁଡା ଗ୍ରାମରେ ଚଢ଼ାଉ କରି ୬୦୦ଲିଟର ପୋଚ୍ଚ ଓ ୧୦ଲିଟର ଦେଶୀ ମଦ ଜବତ କରି ନଷ୍ଟ କରାଯାଇଛି। ସେହିପରି ଆଜି ତା୧୪.୫.୨୦ରିଖ ଦିନ ଗୁଣୁପୁର ସହର ଅନ୍ତର୍ଗତ ପୁରୁଣା ଗୁଣୁପୁର ଚଢଉ କରି ୪୩୦ଲିଟର ପୋଚ୍ଚ ଓ ୧୮ ଲିଟର ଦେଶୀମଦ ନଷ୍ଟ କରାଯାଇଛି।
ସେହିପରି ଚାନ୍ଦିଲି ଥାନା ଅନ୍ତର୍ଗତ ପଦମପୁର ଗ୍ରାମରେ ଚଢଉ କରି ୪୦୦ଲିଟର ପୋଚ୍ଚ ଓ ୨୦ ଲିଟର ଦେଶୀମଦ ନଷ୍ଟ କରାଯାଇଛି।
ସବୁବର୍ଗ ଖବର
