ଜୟପୁର ଠାରେ ଜଣେ ଅଜଣା ବ୍ୟକ୍ତିଙ୍କୁ ପଥରରେ ଛେଚି ହତ୍ୟା
କୋରାପୁଟ ଜିଲ୍ଲା/ଜୟପୁର (ସଖପ୍ର): କୋରାପୁଟ ଜିଲ୍ଲା ଜୟପୁର ଠାରେ ଜଣେ ଅଜଣା ବ୍ୟକ୍ତିଙ୍କୁ ପଥରରେ ଛେଚି ହତ୍ୟା କରାଯାଇଛି। ଜୟପୁର ସହରର ଲକ୍ଷ୍ମୀ ପଣ୍ଡା ଛକ ନିକଟରେ ଥିବା ଏକ କୁଡ଼ିଆରେ ଏହି ଘଟଣା ଘଟିଛି। ଏହି ଘଟଣା ବିଳମ୍ବିତ ରାତିରେ ଘଟିଥିବା ସୂଚନା ଦେଇଛି ପୋଲିସ। ଜୟପୁର ଜାତୀୟ ରାଜପଥରେ ରହିଛି ଏହି ଲକ୍ଷ୍ମୀ ପଣ୍ଡା ଛକ। ଉକ୍ତ ଘଟଣାର ଖବର ପାଇ ଜୟପୁର ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ସାଇଣ୍ଟିଫିକ୍ ଟିମ୍ ଏବଂ ସନ୍ଧାନୀ କୁକୁର ଦ୍ଵାରା ତଦନ୍ତ କରାଯିବା ନେଇ ପୋଲିସ ସୂଚନା ଦେଇଛି । ପୋଲିସ ଏହି ମାମଲାରେ ୧୮୧/୨୧ରେ କେସ ରୁଜୁ କରି ତଦନ୍ତ ଆରମ୍ଭ କରିଥିବା ଗଣମାଧ୍ୟମକୁ କହିଛନ୍ତି ଜୟପୁର ଏସଡିପିଓ ଅରୁପ ଅଭିଷେକ ବେହେରା। କିଏ ଏହି ହତ୍ୟା କରିଛି ଏବଂ ମୃତ୍ୟୁ ବରଣ କରିଥିବା ବ୍ୟକ୍ତିଙ୍କ ପରିଚୟ ଏବେ ଯାଏଁ ଜଣାପଡ଼ି ନ ଥିବା କହିଛନ୍ତି ଜୟପୁର ଟାଉନ ପୋଲିସ ଅଧିକାରୀ ସଞ୍ଜୟ କୁମାର ମଣ୍ଡଳ।
ପ୍ରତିନିଧି ସିମାଦ୍ରି ଶ୍ରୀନିବାସ ରାଓ
ସବୁବର୍ଗ ଖବର
