ଗଂଜେଇ ଚାଲାଣକାରୀଙ୍କ ଠାରୁ ଲାଞ୍ଚ ନେଇ ପୋଲିସ ଗିରଫ…
ମାଲକାନଗିରିଜିଲ୍ଲା (ସ.ଖ. ପ୍ର ): ଜିଲ୍ଲାରେ ଏବେ ଚର୍ଚ୍ଚାର ବିଷୟ ପାଲଟିଛି ଯେ ପୋଲିସ ନେଇଛି ଲାଞ୍ଚ | ଗଞ୍ଜେଇ ବ୍ୟବସାୟୀଙ୍କଠାରୁ ଜୋରଜବରଦସ୍ତି ଟଙ୍କା ଆଦାୟ ମାମଲାରେ ଏସ୍ଆଇ ନିଲମ୍ବିତ ଓ ଏଏସ୍ଆଇଙ୍କ ନାମରେ ମାମଲା ରୁଜୁ ସହ ୨ ହୋମ୍ଗାର୍ଡଙ୍କୁ ଗିରଫ କରାଯାଇଛି। ଏଭଳି ଘଟଣା ଘଟିଛି ମାଲକାନଗିରି ଜିଲ୍ଲା ଖଇରପୁଟ ବ୍ଲକ ମୁଦୁଲିପଡା ଥାନା ଅଞ୍ଚଳରେ। ୪ ଦିନ ପୂର୍ବ ରାତିରେ ମୁଦୁଲିପଡା ଥାନା ଏସ୍ଆଇ ହରିଶ୍ଚନ୍ଦ୍ର ଗୋଲରୀ ଓ ଏଏସ୍ଆଇ ନାରାୟଣ ମାଝି, ୨ ହୋମ୍ଗାର୍ଡ ସୀତାକାନ୍ତ ପଟ୍ଟନାୟକ, ସୁଶାନ୍ତ ବେହେରା ଗଞ୍ଜେଇ ବ୍ୟବସାୟୀଙ୍କ ଗାଡ଼ିକୁ ଅଟକାଇ ତାଙ୍କଠାରୁ ଜୋରଜବରଦସ୍ତି ଟଙ୍କା ଆଦାୟ କରୁଥିଲେ। ଏହି ମାମଲାରେ ଶନିବାର ଏସ୍ଆଇ ଗଲୋରୀଙ୍କୁ ନିଲମ୍ବନ କରାଯାଇଛି। ଏଏସ୍ଆଇ ନାରାୟଣଙ୍କ ନାମରେ ମାମଲା ରୁଜୁ ହୋଇଥିଲେ ମଧ୍ୟ ସେ ଫେରାର ଅଛନ୍ତି। ୨ ହୋମ୍ଗାର୍ଡ ସୀତାକାନ୍ତ ପଟ୍ଟନାୟକ, ସୁଶାନ୍ତ ବେହେରାଙ୍କୁ ଗିରଫ କରାଯାଇଛି। ରବିବାର ତାଙ୍କୁ କୋର୍ଟ ଚାଲାଣ କରାଯାଇଛି |ଏପରି ଘଟଣା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି |ଏଥିରୁ ସ୍ପଷ୍ଟ ଜଣାପଡୁଛି ଯେ ଜିଲ୍ଲାରେ ଗଂଜେଇ କାରବାର ସହ କେତେକ ଦୁର୍ନୀତିଗ୍ରସ୍ତ ପୋଲିସ କର୍ମଚାରୀଙ୍କ ମଧୁଚନ୍ଦ୍ରିକା ଅଛି ବୋଲି ଜିଲ୍ଲାର ବୁଦ୍ଧିଜିବୀ ନିଜର ମତ ଦେଇଛନ୍ତି |
ସବୁବର୍ଗ ଖବର
