ଖଇରୀପୁଟ ବ୍ଲକରେ ତୃତୀୟ ଦିନରେ ବିଜୁବାବୁଙ୍କ ୧୦୪ ତମ ଜନ୍ମ ଜୟନ୍ତୀ ଉତ୍ସବ ପାଳନ
ମାଲକାନଗିରି ଜିଲ୍ଲା: ବିଜୁଜନତା ଦଳ ଚିତ୍ରକୋଣ୍ଡା ନିର୍ବାଚନ ମଣ୍ଡଳୀ ଖଇରୀପୁଟ୍ ବ୍ଲକରେ ଆଜି ତୃତୀୟ ଦିନରେ ବିଜୁବାବୁଙ୍କ ”୧୦୪” ତମ ଜନ୍ମ ଜୟନ୍ତୀ ଉତ୍ସବ ପାଳନ ହୋଇଯାଇଛି । ଜିଲ୍ଲା ବିଜୁଜନତା ଦଳ ସଭାପତି ତଥା ଚିତ୍ରକୋଣ୍ଡା ବିଧାୟକ ଶ୍ରୀଯୁକ୍ତ ପୂର୍ଣ ଚନ୍ଦ୍ର ବାକାଙ୍କ ବଳିଷ୍ଠ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ମାନ୍ୟବର ଓଡିଶା ରାଜ୍ୟ ବିହନ ନିଗମ ଅଧ୍ୟକ୍ଷ ତଥା କୋରାପୁଟ ଜିଲ୍ଲା ବିଜେଡି ସଭାପତି ଈଶ୍ୱର ଚନ୍ଦ୍ର ପାଣିଗ୍ରାହୀ ବିଜୁ ବାବୁଙ୍କ ଫୋଟ ଚିତ୍ରରେ ପ୍ରଥମେ ପୁଷ୍ପ ମାଲ୍ୟ ଅର୍ପଣ କରି ଆଧୁନିକ ଓଡ଼ିଶାର ନିର୍ମାତା ବିଜୁବାବୁ ଓ ନବୀନ ସରକାରଙ୍କ ଉପଲବ୍ଧି ସମ୍ବନ୍ଧରେ ଜନତାକୁ ଜଣାଇଛନ୍ତି । ବିଜୁବାବୁଙ୍କ ଏହି ବ୍ଲକ ସ୍ତରୀୟ ଶୁଭ ଜନ୍ମ ଜୟନ୍ତୀ ଉତ୍ସବରେ ଉପସ୍ଥିତ ଥିଲେ ପୂର୍ବତନ ବିଧାୟକ ତଥା ସ୍ଵତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ମାନସ ମାଡକାମୀ ,ପୂର୍ବତନ ସ୍ୱତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ତଥା ଜିଲ୍ଲା ବିଜେଡି ନିର୍ବାଚନ ଅଧିକାରୀ ଆଡ଼ମା ରାବା ,ବରିଷ୍ଠ ବିଜେଡ଼ି ନେତା ରାଜେନ୍ଦ୍ର ପଣ୍ଡା ,ଜିଲ୍ଲା ମହିଳା ସଭାନେତ୍ରୀ ପଦ୍ମିନି ମୁଦୁଲି ,ଯୁବ ନେତା ତାପସ ରଞ୍ଜନ ନାୟକ ,ବିଜେଡ଼ି ବରିଷ୍ଠ ନେତା ପ୍ରଭାକର ପ୍ରଧାନ ,ଜିଲ୍ଲା ଆଇନଜୀବୀ ସଭାପତି ନୃସିଂହ ଚରଣ ମହାନ୍ତି ,ବ୍ଲକ ସଭାପତି ବନ୍ଧୁ ମୁଦୁଲି ,ଖଇରୀପୁଟ ବ୍ଲକ ସଭାପତି ସାଧୁ ହନ୍ତାଳ ,ବିଜେଡି ନେତା ଉଦୟ ମାଦରି , ଗଣେଶ ମଣ୍ଡଳ ଓ ଯୁବ ନେତା କାଳିଆ ମାଝୀ ପ୍ରମୁଖଙ୍କ ସହ ଏକ ହଜାରରୁ ଉର୍ଦ୍ଧ୍ବ ବିଜୁପ୍ରେମୀ ଉପସ୍ଥିତ ରହି ବିଜୁବାବୁଙ୍କ ଜନ୍ମ ଜୟନ୍ତୀ ପାଳନ କରିଛନ୍ତି ।
ସବୁବର୍ଗ ଖବର
