କୋଟପାଡ ଠାରେ ଭାରତୀୟ ଷ୍ଟେଟ୍ ବ୍ୟାଙ୍କର ନୂତନ କୋଠା ଉଦଘାଟିତ
କୋରାପୁଟଜିଲ୍ଲା /କୋଟପାଡ: କୋଟପାଡ ସୌରା ସାହି ଶ୍ରୀ ଲିଙ୍ଗରାଜ ଭବନରେ ଭାରତୀୟ ଷ୍ଟେଟ୍ ବ୍ୟାଙ୍କ ରବିବାର ସନ୍ଧ୍ୟାରେ ପୂଜାପାଠ ଓ ହୋମ ଯଜ୍ଞ ପୂର୍ବକ ଉଦଘାଟନ ହୋଇଯାଇଛି । ଆଜି ସକାଳ ୯ଟା ୩୦ ମିନିଟ ସମୟରେ ବ୍ୟାଙ୍କ୍ କର୍ତୃପକ୍ଷଙ୍କ ଦ୍ବାରା ଆନୁଷ୍ଠାନିକ ଭାବରେ ଉଦଘାଟିତ ହୋଇଯାଇଛି । SBI ର କୋଟପାଡ ଶାଖା ଏଥି ପୂର୍ବରୁ ବହୁ ବର୍ଷ ଧରି କୋଟପାଡ଼ -ହରିଡାପୁଟ ରାସ୍ତାରେ କାମ କରି ଆସୁଥିଲା ଏବଂ ସେହି ସ୍ଥାନରେ ଟ୍ରାଫିକ୍ ସମସ୍ୟା ସୃଷ୍ଟି ହେବା ସହ ଦଲାଲଙ୍କ ଭିଡ ଲାଗି ରହୁଥିଲା । ବର୍ତ୍ତମାନର ନୂତନ କୋଠାରେ ୟୋନୋ ଏବଂ C. D. M.ର ବ୍ୟବସ୍ଥା ଥିବାରୁ ଗ୍ରାହକଙ୍କ ଅନେକ ସମସ୍ୟାର ସମାଧାନ ହୋଇପାରିବ ବୋଲି ବ୍ୟାଙ୍କ୍ କର୍ତ୍ତୃପକ୍ଷ ପ୍ରକାଶ କରିଛନ୍ତି ।ଉକ୍ତ ନୂତନ କୋଠାରେ ଦଲାଲ ଓ କିଓସ୍କ ବ୍ୟାଙ୍କର ପ୍ରବେଶକୁ ନିଷେଧ କରିବା ପାଇଁ ସାଧାରଣରେ ଦାବି ହେଉଛି । ଆଜିର ଏହି ଅବସରରେ ଶାଖା ପରିଚାଳକ ଶ୍ରୀ ଗୁଣ୍ଠୁରୁ ଗୌରୀପ୍ରସାଦ, ଚନ୍ଦ୍ରମୋହନ ସିଂ, ଟିକେଶ୍ବର କଅଁର, ସନ୍ଦୀପ ସ୍ବାଇଁ, ସଦାନନ୍ଦ ପାଣିଗ୍ରାହୀ, ସଞ୍ଜୟ ମିଶ୍ର, ପୋଲାକି ମହେଶ, ପି. ଶ୍ରୀନିବାସ, ନୀଳମଣି ବେହେରାଙ୍କ ସମେତ ସମସ୍ତ କର୍ମଚାରୀ ଉପସ୍ଥିତ ଥିଲେ ।
ସବୁବର୍ଗ ଖବର
