ଇମ୍ଫାରେ କର୍ମଚାରୀ ଭବିଷ୍ୟନିଧି ପାଣ୍ଠି ସଚେତନତା କର୍ମଶାଳା
ରାୟଗଡା ଜ଼ିଲ୍ଲା :(ପ୍ରତିନିଧି ଅମୁଲ୍ୟ ନିଶଙ୍କ)
ରାୟଗଡା ସ୍ଥିତ କର୍ମଚାରୀ ଭବିଷ୍ଯନିଧି ସହକାରୀ ଆୟୁକ୍ତ ଶ୍ରୀ ଆବେଷ ମିଶ୍ରଙ୍କ ନେତୃତ୍ୱରେ ସ୍ଥାନୀୟ ଇମ୍ଫା କମ୍ପାନୀ ପରିସରରେ ସତର୍କତା ଜାଗରଣ ସପ୍ତାହ ଉପଲକ୍ଷେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଏଥିରେ ଇମ୍ଫାର କର୍ମଚାରୀ, ଶ୍ରମିକ, ଠିକାଦାର ଶ୍ରମିକ ଯୋଗ ଦେଇଥିଲେ। କର୍ମଶାଳାରେ ଉପସ୍ଥିତ କର୍ମଚାରୀ ମାନଙ୍କୁ ଭବିଷ୍ଯନିଧୀ ପାଣ୍ଠିର ସଦ୍ ବିନିଯୋଗ ଓ ପରିଚାଳନା ବିଷୟରେ ରାୟଗଡାରୁ ଆସିଥିବା ଅଧିକାରୀ ମାନେ ପ୍ରାଞଳ ଭାବରେ ବୁଝାଇଥିଲେ ଏବଂ ପରେ ପରେ ଏକ ଅଭିଯୋଗ ଶୁଣାଣୀର କର୍ମଶାଳା ଅନୁଷ୍ଠିତ ହୋଇଥିଲା। ଏଥିରେ କର୍ମଚାରୀମାନଙ୍କ ବିଭିନ୍ନ ଅଭିଯୋଗର ଶୁଣାଣି କରାଯାଇଥିଲା। ଏଥିରେ ଅତିରିକ୍ତ ଆୟୁକ୍ତଙ୍କ ସହିତ ଶ୍ରୀ ପି କେ ମହାରଣା,( ଇ ଓ), ଶ୍ରୀ ଏସ୍ ଏନ୍ ବେହେରା, (ଇ ଓ) ଏମାନେ ମଧ୍ୟ ଯୋଗ ଦେଇଥିଲେ । କାର୍ଯ୍ୟକ୍ରମଟିରେ ଇମ୍ଫାର ଉପ ମହାପ୍ରବନ୍ଧକ ଅଜୟ କୁମାର ବେହୁରିଆଙ୍କ ସହିତ ଉଚ୍ଚ ଅଧିକାରୀ ମାନେ ଉପସ୍ଥିତ ଥିଲେ। କାର୍ଯ୍ୟକ୍ରମଟିକୁ ଇମ୍ଫାର ବରିଷ୍ଠ ପରିଚାଳକ ଅନାମ ଚନ୍ଦ୍ର ସ୍ୱାଇଁ ପରିଚାଳନା କରିଥିଲେ।
ସବୁବର୍ଗ ଖବର
